VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

I N T E R F E T
15 Setembro 1999
O Conselho de Segurança da ONU aprova a Resolução n° 1264,
que autoriza a criação de uma força internacional para Timor-Leste (INTERFET)
TIMOR-LESTE



Interview with Fernando Lasama de Araujo: On the road to democracy, where the streets have no name
GOVERNANSA FRETILIN HO PD LEGAL
Konstitusio nalidade Nomeasaun PM
Membru Governu Foun ida-idak nia Profil badak
Impossivel hakerek diskursu ofisial sira iha dalen Tetun?
FFTL "hetan subsidio $1 milliao kada tinan"?
QUEM TUDO QUER TUDO PERDE
Disse-me que depois de ter ouvido de tanta gente tantas histórias...
Antusiasmu Foisae ba Seitor Desportu (Oportunidade, Risku no Vantagen)
Hakarak sai opozisaun diak bele aprende hosi Socrates.
Dekretu Prezidenti Republika!, So iha RDTL deit.

 
 
   

domingo, 24 de setembro de 2017

Politika Nia Kauza no Efeito

Politika Nia Kauza no Efeito
https://www.facebook.com/vicente.ximenes.520/posts/154191738500997

Vicente Ximenes Maubocy
Politika ema maka prinsipal author. Kondutores, sira nebe kaer poder no iha autoridade.

Poder kapasidade atu influensia tuir legalidade, no autoridade, direito nebe lei fo atu halo exercicio poder.

Politika nia essencia, konsentra ba esforsos atu organiza sociedade atu ema hotu2 sem exepsaun moris diak, livre husi kiak no mukit.

Xave atu ema hotu2 moris iha ambiente saudavel no justo, depende ba kondutores, nebe kostuma dehan "governantes" politikos.

Iha klasifikasaun hat (4) kona ba governantes:
  1. Diak: povo la dun terus no sofre; korupsaun menus, ema hotu2 iha minimo atu moris;
  2. Diak liu: povo kontente, existe boa governasaun signifika, governantes sira "tane lei". KKN totalmente ausente.
  3. At: administrasaun sabaraut ka arabiru, povo nia moris kiak. Governo ho sira nia kronis maka benefisiarios.
  4. At liu: autentiko-governasaun ditador. Iha ne, poderes politikos konsentra iha ema ida nia figura. Exercito+Policia+Tribunal obdece ba ditador. Liberdade la iha. Se maka kontra hetan prisaun ou pena de morte.
Kontexto governasaun TL tama iha kategoria ida nebe?
  • Indikadores pobreza, no nivel satisfasaun/ insatisfasaun maka determina.
  • Facto resultados eleisaun legislativa, taxa votantes registrados 30% la vota. Partidos bot rua nia kadeiras haksoit tun CNRT embora ukun tinan 10 nia kadeiras tun husi 30 mai 22; Fretilin nia ema sai PM tinan 2 ho balu, kadeiras tun 25 tun 23.

Referensia akumulativas 2 ne, fo sinal mo mos katak, povo totalmente "insatisfeitos".

Trajectoria Historia Politika.

Historia huri uluk hori wain koalia kona ba politika, refere ba ha-halok, entre ukun (governantes) ba ema /povo nebe sira ukun (governados).

Iha ukun nain sira diak, rikezas nasaun nian, aloka ba povo nia moris diak. Bainhira nai ulun sira "hadomi" povo, sira nia povo moris kontente, i povo hadomi sira nia liurai, la iha perturbasaun ba governasaun, nune konflito sosial, pratikamente ausente.

Historia mos regista, iha governantes barak, arrogantes, ambisiosos, ditadores, autoritarios, halo povo hanesan "atan", moris iha miseria, pobreza no obskurantismo.

Povo la iha direito ba moris diak hanesan acesso ba edukasaun, saude no kualidade vida moris diak.

Rikeza estado ka nasaun nian, propriedade exclusiva governantes sira, halo konforme sira nia hakarak ka gosto. Se maka kontra, hetan sentensa kastigo ka morte. Situasaun ida ne, mossu iha tinan 20 ka 50 liu ba kotuk...

Iha era republika ohin loron, (2017) governantes sira ho mentalidade "exploradores" sei barak ho karateristikas lideres ditadores no autoritarios, modus operandi, pseudo revolucionarios., Buat hotu-hotu sira koalia, defende povo nia direito no interesses.

Bainhira kaer poder, promessas ba kompromisso eleitoral, viola hotu, nem kumpre ida. Ho orsamento anual tinan-tinan + 1 billiaun dollar, povo nia moris sai "mal ba pior", governantes sira ho familiares ho amigos sira, maka goza, moris diak iha "paraiso" no povo kontinua terus no sofre, moris iha "inferno" nia laran.

Povo Timor tomak tau neon no fuan ba legendarios lideres historicos sira, depois Patria "libertada", Maio (2002) mai oin, governantes sira, (governo/oposisaun) iha sensibilidade + seriadade minima, atu "kore" gradualmente "kiak no mukit".

Infelizmente depois tinan 15 independente, total montante gastos $15 billion, redusaun kiak, la akontese, pelo kontrario aumenta.

Factos no evidencias hatudo mó-mós elite kik ida nebe iha konectividade proxima ho governantes sira, maka maiores resipientes benefisios the wealth of the nation.

Gap entre sira nebe "iha no la iha, / have no have" tinan2 aumenta luan ba bei-beik.

Oportunidade ba ema seluk taka kompletamente. Projectos bot sira, tama iha "circulo visioso" ida, ho "mafia" legal no bem organizada.

Ita hotu2 hein ho ansiedade atu VII oferece alternativas foun hodi " desmantela" pratikas hirak nebe koruptas no injustas ba povo nia moris

Vicente Ximenes (Maubocy)
https://www.facebook.com/vicente.ximenes.520/posts/154191738500997

sábado, 16 de setembro de 2017

Kampiaun LFA 2017; Prezidente FIFA Infantino Felisita FC Karketu Dili

Kampiaun LFA 2017; Prezidente FIFA Infantino Felisita FC Karketu Dili

Prezidente FIFA Gianni Infantino
Prezidente FIFA nian, Gianni Infantino, “viva” ho susesu Primeira Divizaun Liga Futebol Amadora Timor-Leste (LFA) nebe hala’o ba dalarua ona, no pertinente haruka parabens ba ekipa kampiaun epoka 2017. 

Iha karta nebe haruka ba Federasaun Futebol Timor-Leste (FFTL), ho data 5 Setembru 2017, Infantino hakerek “ho prazer tomak hato’o nia “caloroso parabens” ba Karketu Dili FC nia primeiro titulu “campeão” desde hahu LFA.”

Bo’ot FIFA nian ne’ebe gosta “jogu furak” no espiritu team, konsidera titulu kampiaun rezultadu husi esforsu koletivu no determinasaun ekipa tomak, husi estrutura klubu, ekipa teknika ba jogadores, ate to’o adeptu sira”. Tamba ne’e ma’ak ekipa kampiaun merese hetan destake no Karketu “está de parabéns”.

Hanesan hakerek iha karta ne’ebe pajina facebook F.C. KARKETU DILI publika, Prezidente Infantino mos aproveita biban ne’e hodi «agradece ba klubu “matak malirin” nia kontribuisaun hodi ajuda promove “lia-menon positiva” tebe-bola nian», ba sosiedade no ba mundu rai-klaran. Lia-menon “Spreading Positive Message of Football” halo parte kumprimisu FIFA nian iha nia lideransa ho intuito, “neneik maibe bebeik”, haklaken valor sira iha mundu desportivo. Iha ne’e, “é tudo” sobre alegria, diversaun no paixaun".

Klubu Futebol Karketu Dili konkista LFA 2017, ba dahuluk, hafoin empata (1-1) hasoru Zebra FC iha Estadium Municipal Dili, 2 Setembro 2017. Ekipa ho lema Matak Malirin selebra hi'it TAXA Kampiaun iha estadio Baucau, loron 16/09/2017, hafoin jogu ikuz ba dala 14 hasoru  AD SLB Laulara. (FH/AFAF)



VIVA KARKETU


sexta-feira, 15 de setembro de 2017

Polêmika Kona-bá Konstitusionalidade Nomeasaun Primeiru-Ministru no Formasaun VII Governu Konstitusional

Polêmika Kona-bá Konstitusionalidade Nomeasaun Primeiru-Ministru no Formasaun VII Governu Konstitusional


Introdusaun

Rezultadu Eleisaun Parlamentar 22 Jullu 2017 hatudu partidu lima maka liu bareira 4% (FRETILIN, CNRT, PLP, PD no KHUNTO) no entre partidu lima ne’e la iha ida maka manan maioria absoluta. Partidu FRETILIN hanesan partidu ne’ebé mais votadu ka votu barak liu (kadeira 23), tuir kedas ho CNRT (kadeira 22), PLP (kadeira 8), PD (kadeira 7) no KHUNTO (kadeira 5) ho total kadeira ka deputadu sira 65 iha Parlamentu Nasional. Partidu FRETILIN hanesan partidu mais votadu ka votu barak liu hahu lidera negosiasaun ho partidu sira seluk iha asentu parlamentu hafoin Tribunal Rekursu fo sai ofisialmente rezultadu eleisaun iha loron 1 Agustu 2017. Negosiasaun ida ne’e la’o to’o fulan ida no to’o iha loron 4 Setembru 2017 FRETILIN konsege hetan intendementu ida ho PD no KHUNTO hodi halo koligasaun. Nune’e kontinua kedas iha loron 5 Setembru 2017 posse ba deputadu sira IV Lejislatura nian. Koligasaun ida ne’e ho nia deputadu sira iha Parlamentu Nasional kadeira 35 no avansa ho kandidatu ida ba Prezidente Parlamentu Nasional husi FRETILIN nian Dr. Aniceto Guterres no manan ho polêmika tamba lakon votu rua koligasaun nian hodi apoiu fali kandidatu seluk.

Maske nune’e koligasaun ida ne’e kontinua halo negosiasaun hodi to’o iha akordu final ida kona-bá Formasaun VII Governu Konstitusional nian. Maibe iha loron 13 Setembru 2017, KHUNTO la partisipa iha Akordu Koligasaun ka rejigna-an husi koligasaun ne’ebé realiza iha Comite Central FRETILIN (CCF). Nune’e FRETILIN ho PD kontinua asina Akordu Koligasaun hodi forma VII Governu Konstitusional no iha loron ne’e kedas aprezenta ba Prezidente Repúblika no hatudu Dr. Mari Alkatiri nu’udar Primeiru-Ministru. Iha loron hanesan mos Prezidente Repúblika konvida kedas partidu sira ne’ebé iha asentu Parlamentu Nasional (CNRT, PLP inklui KHUNTO) hodi rona sira nia hanoin kona-bá formasaun VII Governu Konstitusional. Partidu sira ne’ebé iha asentu Parlamentu Nasional (la’os koligasaun) CNRT, PLP no KHUNTO hotu-hotu hato’o sira nia pozisaun katak sira mantein hanesan opozisaun no apoiu koligasaun FRETILIN ho PD hodi forma VII Governu Konstitusional.

Hafoin rona tiha partidu sira iha asentu Parlamentu Nasional, iha loron 14 Setembru 2017 Prezidente Repúblika ofisialmente fo sai ba públiku nomea Dr. Mari Alkatiri ba Primeiru-Ministru lidera VII Governu Konstitusional husi Koligasaun FRETILIN – PD nian (Koligasaun Monoria). Nomeasaun ida ne’e hetok sai polêmika liu tan iha públiku no kestiona desizaun Prezidente Repúblika nian Inkonstitusional. Tamba VII Governu Konstitusional forma ho Koligasaun Minoria.

Nomea Primeiru-Ministru no Forma Governu

Ho polêmika ne’ebé temi iha leten ne’e, artigu ida ne’e halo analiza kona-bá desizaun Prezidente Repúblika nian nomea Primeiru-Ministru husi Koligasaun Minoria hodi forma VII Governu Konstitusional. Serake desizaun Prezidente Repúblika nian Inkonstitusional?

Konstitusaun artigu 85 alinea d) hatete:

“Nomeia no fó pose ba Primeiru-Ministru ne’ebé partidu ka partidu sira iha aliansa ho maioria parlamentár hatudu, rona tiha partidu sira-ne’ebé iha reprezentante iha Parlamentu Nasionál”.

Nune’e mos artigu 106 n.o 1 hatete:

“Primeiru-Ministru partidu ne’ebé hetan votu barak liu ka partidu sira iha aliansa ho maioria parlamentár maka hatudu no Prezidente da-Repúblika maka nomeia, rona tiha partidu polítiku ne’ebé iha reprezentante iha Parlamentu Nasionál”.

Artigu 85 alinea d) no 106 n.o 1  temi iha leten ne’e define buat tolu ne’ebé Prezidente Repúblika tenke konsidera antes uza nia kompetensia rasik hodi nomea Primeiru-Ministru. Nune’e hodi nomea Primeiru-Ministru tenke haree no hala’o tuir kondisaun sira hanesan tuir mai ne’e: 
  1. Primeiru-Ministru nomea husi partidu ne’ebé hetan votu barak liu
  2. Ka Primeiru-Ministru nomea husi Partidu sira iha aliansa ho maioria parlamentar
  3. Antes nomea Prezidente Repúblika rona tiha partidu sira ne’ebé iha reprezentante iha Parlamentu Nasional

Haree ba Artigu 85 alinea d) no 106 n.o 1 nia definisaun no rezultadu eleisaun ne’ebé la iha partidu ida maka manan maioria absoluta. Nune’e mos la iha koligasaun ka aliansa maioria parlamentar ruma ne’ebé aprezenta ba Prezidente Repúblika. Artigu rua ne’e rasik maka fo dalan hodi forma Governu no nomea Primeiru-Ministru. Iha situasaun atual rezultadu Eleisaun 22 Jullu 2017 hatudu: 
  1. FRETILIN hanesan partidu ne’ebé hetan votu barak liu
  2. FRETILIN halo koligasaun ho PD (Koligasaun Minoria)
  3. La iha partidu seluk maka aprezenta koligasaun ka aliansa ho maioria parlamentar ba Prezidente Repúblika  

FRETILIN hanesan partidu ne’ebé votu barak liu hamutuk ho koligasaun PD (koligasaun minoria) indizita Sekretariu Jeral FRETILIN Dr. Mari Alkatiri nu’udar Primeiru-Ministru VII Governu Konstitusional ba Prezidente Repúblika. Nune’e mos antes Prezidente Repúblika nomea Primeiru-Ministru husi Koligasaun Monoria FRETILIN – PD, Prezidente Repúblika konvida uluk no rona partidu sira ne’ebé iha asentu Parlamentu Nasional (CNRT, PLP no KHUNTO) hotu-hotu hato’o katak sira mantein hanesan opozisaun no prontu apoiu Koligasaun FRETILIN – PD. Signifika katak la iha koligasaun ka aliansa seluk ruma ho maioria iha Parlamentu Nasional husi partidu votu barak liu daruak ka partidu seluk asentu parlamentar. Uniku FRETILIN hanesan partidu ne’ebé hetan votu barak liu hamutuk ho koligasaun ida (PD) maka aprezenta no indizita nia ema nu’udar Primeiru-Ministru hodi forma Governu (mesmu koligasaun minoria).

Ho situasaun sira ne’e Prezidente Repúblika uza nia kompetensia rasik tuir Konsitusaun Artigu 85 alinea d) nomea Dr. Mari Alkatiri nu’udar Primeiru-Ministru VII Governu Konstitusional ne’ebé aprezenta husi Koligasaun FRETILIN – PD maske Koligasaun Minoria. Ikus mai públiku kestiona desizaun Prezidente Repúblika nian ne’ebé nomea Primeiru-Ministru mai husi Koligasaun Minoria ne’ebé la prenxe “Maioria iha Parlamentu Nasional”.

Konstitusaun Artigu 85 alinea d) no 106 n.o 1 la temi kona-bá Primeiru-Ministru nomea tenke mai husi partidu ne’ebé votu maioria absoluta. Maibe hatete deit partidu ne’ebé hetan votu barak liu signifika bele maioria simples. Nune’e mos la iha koligasaun ka aliansa seluk ne’ebé ho maioria iha Parlamentau Nasional. CNRT hanesan partidu ne’ebé votu barak liu daruak (kadeira 22) la aprezenta koligasaun ruma ka aliansa ne’ebé maioria iha Parlamentu Nasional hodi subtitui FRETILIN ho PD nia Koligasaun Minoritaria. CNRT rasik mos diside katak mantein hanesan opozisaun. Signifika katak CNRT hanesan partidu ne’ebé votu barak liu daruak la konsege mos halo koligasaun ruma hodi hetan maioria iha Parlamentu Nasional. Hodi influensia desizaun Prezidente Repúblika nian katak iha partidu seluk ne’ebé konsege forma aliansa ka koligasaun ida maioria iha Parlamentu Nasional.

Ho situasaun ne’e, Konstitusaun artigu 85 (kompetensia rasik Prezidente Repúblika nian) fo kbiit konstitusional ba Prezidente Repúblika nomea Primeiru-Ministru maske FRETILIN – PD Koligasaun Minoria maibe votu barak liu tuir rezultadu eleisaun nian ne’ebé lidera husi FRETILIN rasik. Iha ne’ebé tuir Konstitusaun artigu 85 alinea d) no 106 n.o 1 hatete Primeiru-Ministru partidu ne’ebé hetan votu barak liu maka hatudu no la hatete katak votu barak liu ida ne’e tenke ho Maioria Absoluta.

Konkluzaun

Nune’e konklui katak desizaun Prezidente Repúblika nian KONSTITUSIONAL. Tamba Prezidente Repúblika hala’o tuir rekezitu sira ne’ebé hatuur iha Konstitusaun. Primeiru, la iha koligasaun maioria ruma husi partidu seluk iha Parlamentu Nasional ne’ebé aprezenta ba Prezidente Repúblika. Segundu, antes Prezidente Repúblika halo desizaun nomea Primeiru-Ministru husi Koligasaun Minoria rona uluk partidu sira ne’ebé iha reprezentante iha Parlamentu Nasional no sira hotu mantein iha opozisaun. Tersieru, ikus mai Prezidente Repúblika uza nia kbiit Konstitusional hodi nomeia Primeiru-Ministru husi partidu ne’ebé votu barak liu iha Eleisaun 22 Jullu 2017, FRETILIN hanesan partidu ne’ebé hetan votu barak liu hamutuk ho koligasaun PD maske minoria hodi forma Governu.  

Hakerek Na’in: João Almeida, Servisu iha Fundasaun Mahein (FM).

quinta-feira, 14 de setembro de 2017

Skills ba membros VII governo saida?

Skills ba membros VII governo saida?

www.facebook.com/vicente.ximenes.520
Atu halo roda desenvolvimento tenki lori ema nebe iha kualidades hanesan: "konhesimento + experiencias + abilidades". Sem rekesitos hirak ne, resultados desenvolvimento la'o sentido kontrario, la tuir metas nebe hakarak atinge ka la responde povo nia necessidades.

Nune hau ata espera katak selesaun nebe DR Mari Alkatiri, hetan pessoal nebe iha kapasidade "to make things happen".

Ingridientes to make things happen hahu husi THINK. Decifrasaun lia fuan ne, maka hanesan tuir mai:

T- Is it True?
H-Is it Helpful?
I-Is it important?
N-Is it necessary?
T-Is it Kind?

Bob Proctor dehan: "all images of things is created in your mind. Through process of selective thinking you choose the right one". James Allend hakerek iha 1903 dehan; " mind makes and molds". Ohin loron ita moris iha 2ª. dekada sekulo XXI, era digital informatika ho avansos teknologikos espetaculares.

Iha era feudal, monarkika no republika tinan 20, 50, 100 liu ba, detentores poder sira, gosta no selesiona rigorosamente ema ho karakter "yes man" hodi assegura sira nia poderes. Sira nia funsaun hanesan "Xipaios" koloneal Portugues, "Satpam" koloneal Indonesia, baseia ba "simu no lori ordem".

Emcontrapartida, iha era "democratika" digital informatika, executivus sira husik ona habito tuan ida ne, la gosta rodeado ho ema "yes man". Sira gosta rodeado ho ema "critical and analitical man" hodi fo inputs, feed back ba governasaun ka gestaun atu funsiona diak no hetan resultados positivos.

Preferencias "preciosos" murak, maka membros VII governo iha mos skills "Writing". Hanesan Leland Val De Van De Wall"s concep of learning process dehan nune:

WRITING CAUSES THINKIN
THINKING CREATE AN IMAGE
IMAGES CONTROLS FEELINGS
FEELINGS CAUSE ACTIONS
ACTIONS CREATE RESULTS.

Ita hotu he'in magnificos ministros (as) VII governo portadores "resultados" grandiosos ba povo Maubere nia necessidades no expectativas.

Vicente Ximenes (Maubocy)
https://www.facebook.com/vicente.ximenes.520