Polemika, JRH, PD vs CNRT

• "Sira ne’ebe tabele no hamahon 

ba estrutura Partidu CNRT mak nudar Virus"

Deklarasaun Juventude Demorkatiku

Dili. "Sira ne’ebe tabele mak nudar Virus ba CNRT", ne’e deklarasaun husi Juventude Demokratiku Distritu Dili, haktuir Juvinal Morais, Vice Sekretariu Jeral JD Distritu Dili  konaba deklarasaun Sekretariu Jeral CNRT, Dr. Dionisio Babo Soares no Deputadu Hugo Aderito hakerek iha Komunikadu ne’ebe Forum Haksesuk (FH) hetan asesu, katak “Virus ne’e sira ne’ebe maka tabele maka tama kategori virus, neduni se la waspada bele transforma sai tumor”.

Haktuir tan Juvinal Morais tamba sa mak CNRT tenki preokupa, ”CNRT lorin naran historia ne’ebe pretence ba povu tomak nian; CNRT lori lider historiku ne’ebe povu tomak mak hahi no hanai; CNRT iha poder, politika, ekonomika no poder seluk”. 

Tenik tan Juvinal Morais,Vice Sekretariu Jeral JD PD Distritu Dili katak CNRT dadauk iha kubu rua, ida fiar an no ida fali lae: ”CNRT ida fiar an mak Maun Xanana no seluk la fiar an mak sira ne’ebe hakarak  buka dalan ba kaer ukun maibe tabele ba naran bot instrumentus historikus ne’ebe povu tomak nian”. 

Juvinal Morais nia deklarasaun ne’e liu husi komunikadu ne’ebe maka FH hetan acesu hakerek: ”Se husi estrutura Partidu, representa husi Sekretariu Jeral CNRT no porta voz Bankada Parlamentar CNRT ninia deklarasaun hatudu katak iha grupos balun iha CNRT mak sente ladun seguru ka nyaman ho deklarasaun Dr. José Ramos Horta nian katak “eleitoradus CNRT vota ba PD”.  Hatutan Juvinal, ”CNRT existe  grupos balun ne’e uja ka tabele ba instrumentus historia nian, hanesan organizasaun historia no lider historia hodi hetan beneficiu diak ba sira ninia intereses. Deklarasaun lideransa CNRT nian sira ne’e hatudu katak “Xanana mak fiar an lao ba oin, maibe sira seluk la fiar tamba sente inseguru”. 

Foin dadaun ex-Presidente José Ramos, mos nudar Premio Nobel da Paz 1986 no porta voz Resistencia Timor nian tinan 24 iha forum Internasional ható apelu ba eleitoradus CNRT sira atu vota ba PD. "Hau apelo ba eleitoradus CNRT atu vota ba PD, tamba PD manan sei forma Governu hamutuk no maun Xanana nomos envolve iha governu", apelo RH ho konviksaun. (in TVTL, 28/05/2012). 

Hatan ba ida ne’e Sekretariu Jeral Partidu CNRT no deputado Hugo Aderito konsidera nudar propaganda deit. "...konsidera ida ne’e hanesan propaganda baratu no lohi povo" (JND, STL, TP e Independente (30/05), e husu atu militantes CNRT sira la lika fiar ba lia lohi husi ex-Presidente Republika, Premio Nobel da Paz 1986 e porta voz Resistencia iha mundu internasional tinan 24 nia laran!

Fonte: Jornal Nacional Diário (JND), STL, TP e Independente (30/05/2012), TVTL (28/05/2012) e Komunikadu husi Juventude Demokratiku Distritu Dili!