VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20150215

VI Governo Constitucional hanesan team tebe bola: Rui mak kapitaun, Xanana mak treinador & Mari mak Adjuntu Treinador

António Ramos Naikoli*

Iha loron 17 Fulan Março tinan 2014, Diresaun RENETIL (Resistencia Nacional dos Estudantes de Timor-Leste ) representa husi Executivo no CCR da RENETIL, halo surumutuk ho Eis-Primeiru Ministru RDTL, a atual Sekretariu Jeral Partidu FRETILIN no Presidente Autoridade Administrativa Especial Oe-cusse. Iha isus rua mak RENETIL lori ba halo dalogue ho Dr. Mari Alkatiri, “resignasaun PM Kay Rala Xanana Gusmão no konaba ZEESM (FH, 17/03/2014), hare versaun blog Forum Haksesuk (http://forum-haksesuk.blogspot.com/2014/03/renetil-hasoru-mari-alkatiri.html)”.

Iha biban ne’eba Dr. Mari Alkatiri akompana husi ninia staffs hanesan Arsenio Bano (Militante RENETIL & quadru FRETILIN) no Leonia Monteiro. Hahu ho Sekretariu Jeral RENETIL, Demitrio Amaral apresenta pontus rua ne’ebe mak RENETIL lori mak halo diskusaun ho Dr. Mari Alkatiri, nudar “Fundador ba Movimento Libertasuan hahu husi ASDT mai to’o harii FRETILIN, sorin ida. Sorin seluk, nudar fundador ba Estadu-Nasaun RDTL nian”.

Iha haksesuk malu, quase delegasaun RENETIL nian, hotu-hotu iha oportunidade ba ható ida-idak ninia opiniaun. Autor mos iha biban ne’ebe foka liu ba intervensaun,  liu-liu ba Resignasaun Primeiro-Ministro Kay Rala Xanana Gusmão, “tuir hakerek nain ninia internvensaun iha biban ne’eba, foti analojia ho equipa nasional Futebol, ne’ebe hili jogadores didiak husi clubes hotu-hotu, iha kapitaun equipa no mos treinadores. Tuir racicionio autor nian mak, ”depois resignasaun Primeiru Ministru & maun Bo’ot Kay Rala Xanana Gusmão nian, iha fase transisaun husi lideransa tuan ba foun, buka hili jogadores didiak mak joga tuir ida-idak ninia posisaun, hili kapitaun equipa diak ida no treinador no adjuntos treinadores”.

Husi lian bola nian lori ba kampu politika nian,autor atu dehan katak, ”depois resignasaun Primeiru-Ministru Kay Rala Xanana Gusmão, buka halibir quadrus ne’ebe iha dotasaun teorikas, pratikas no profisional husi partidus hotu-hotu, tama iha gabinete, hili Primeiru-Ministru ne’ebe bele lidera gabinete no maun bo’ot sira ka jerasaun tuan sira mak sai nudar treinador”.

Hanoin ne’ebe mak Dr. Mari Alkatiri  rasik, iha biban ne’eba ladun konkorda ho analojia husi equipa tebe bola lori ba kampu politika.

Liu besik ona tinan rua nia laran mak  isus resignasaun no remodelasuan/resignasuan sai duni realidade. Iha biban ne’e atu  foti fila hikas argumentu no analojia konaba equipa Futebol lori ba Gabinete VI Governu Constitusional, Primeiru-Ministru Dr. Rui Araujo nudar kapitau equipa, Treinador mak maun bo’ot Kay Rala Xanana Gusmão no adjuntu Treinador mak Dr. Mari Alkatiri.

Gabinete VI Governu Constitusional ne’ebe tuir PM Rui Araujo katak, ”Governu Unidade Nacional (GUN) no Governu husi konsensu politika (RTL, 11/02/2015)”.  Ba Dr. Agio Pereira, Ministru Estadu no Presidencia Conselho de Ministru (MEPCM) liu husi debate TVTL realiza husi SECOMS katak, ”mudansas ida ne’ebe mak sei perioritiza  iha VI Governu mak hatur ema tuir ninia kbiit (TVTL, 11/02/2015)”.  Hare husi equipa gabinete VI Governu  mak ho ninia formula tuir mai ne’e : GUN= 55-25 + 8 (4 Husi FRETILIN + 4 mai husi bloku rasik) mak Ministeriu Defesa, Ministeriu Interior, Ministeriu Planeamento & investimentu Estratejiku ho Vice MOF mai husi quadru profisional P-CNRT,  total 38 membrus. GUN ne’e diskurus oficial, realidade laos nune’e, tanba Partidos sira mak decide membrus governu ne’ebe mak liga ba partidus, la uja ona kriterius “dotasuan teorikas, kapacidade teknikas no profisional”, maibe quadrus husi partidus politikus ka sira ne’ebe besik ba partidus politikus.

 Husi parte sociedade civil, hein atu hatun gabinete husi 55 tun ba 25 ba 30.Tuir Proposta Forum Haksesuk nian iha loron 19 fulan Agosto tinan 2014, ”hatun husi 55 ba 22 no Ministrus kordenadores 3 deit, fahe ba asuntus sociais, ekonomikas no politika e defesa (FH, 19/08/2014) hare mos versaun blo, Forum Haksesuk (http://forum-haksesuk.blogspot.com/2014/08/probalidade-estrutura-v-governu-versaun.html)”.  

Objetivu husi Remodelsaun ho reestruturasaun mak ho equipa ne’ebe kiik, halao servisu ho efikas no eficiencie, produs resultadu ne’ebe optimal. Tuir PM Rui Araujo iha ninia deklarasaun  katak, ninia gabinete aposta liu iha “Qualidades obras & qualidade ba prestasaun servisu (in TVTL, 11/02/2015”.  Diskursu ne’ebe mak eis-PM Kay Rala Xanana Gusmão repete dala barak ona, wainhira halo surumutuk membrus governus sira, diretores sira.  Iha gabinete VI Governu ne’ebe lidera husi Dr. Rui Araujo ba tinan rua ho resin (2015-17) la koresponde ba mehi ne’ebe mak tuir trienadores bola nia hakarak ba t equipa nasional, hili jogadores didiak ba tama equipa. Formasaun VI Governu, hakruk liu ba sujestaun BKG, aposta ba kontinuasaun husi equipa V Governu,  do ke tuir kriterius “dotasaun teorikas, teknikas & profisionais”,  tuir kriterius ne’ebe mak Eis-PM Kay Rala Xanana Gusmão wainhira haruka karta ba Presidente Republica Taur Matan Ruak (TMR) hodi justifika ba ninia reisgnasuan no hili Dr. Rui Araujo nudar ninia sucessor (Carta PM Xanana ba PR TMR, 05/02/2015).   Maibe quadrus sira ne’ebe mak qualikadus prense kriterius “dotasaun teorikas, kapacidade teknikas no profisional”, barak mak la tama equipa VI maibe equipa ne’e mak politikus profisionais sira mak determina, maske ladun koresponde ba Treinadores noa djuntus treianadores ninia espetativa. Mos bele treiandores no adjuntu treiandores konsciente ba formasaun equipa ne’e.

Sucesso ba Governasaun transisaun husi VI governus depende ba analojia  personagens nain tolu iha equipa tebe bola ida nian mak: Treinador no adjunto, kapitaun equipa ne’ebe lidera equipa iha kampu laran. Personajens nain tolu ne’e mak Dr. Rui Araujo nudar PM, Xanana nudar treinador no ninia adjunto mak Mari Alkatiri.

PM Rui nudar kapitaun equipa, buka oinsa mak jere ninia jogadores sira ne’ebe mesak mai husi quadrus politikus Partidus deit, la koresponde ba espetatitiva ne’ebe kapitaun no ninia equipa teknikas (treinadores no adjunto treinadores) ninia hakarak, tanba la konsegue forma GUN ho Timor oan sira ne’ebe mai husi teknokrata no profisional iha ida-idak nia areas servisu, maibe forma ho quadros no profisionais politikas husi partidus politikus.  Nudar PM foun,iha biban badak fokus ba Organika VI nian no defini ida-idak ninia perfolio no objetivu mak atinji ba meta ne’ebe trasadu ona.  Evita ona “overlapping ka sobre posisaun” husi membrus gabinete nian, parte ida. Parte seluk,  buka iha konektividade iha atuasaun no implementasaun Programa V (2011-17)  Governu ne’ebe mak nudar embrio ba implementasaun PED2011-30. 

Nudar Treinador no Adjuntu Treinador, Xanana ho  Mari Alkatiri, buka hare no observa didiak ona mak hili jogadores sira ba joga ne’e. Mai sira nain rua mos asumi papel duplo nudar equipa teknikas treinadores no adjunto,maibe sira nain rua mos jogadores hotu. Tanba Xanana iha VI Governu asumi pasta nudar Ministru ba Planeamentu e Investimentu estrategiku (MPIE) no proposta PM Rui Araujo nian atu sai mos nudar Conselheiro do Governo. Dr. Mari Alkatiri mos nudar executivu tanba lidera REA ZEESM ne’ebe ho Orçamento ne’ebe bo’ot ba tinans fiskas 2015 jere hamutuk 200 Milaun ba projetus sira hanesan: estradas, pontes, aeroproto, turismu, no orçamento coreente ba REA ZEESM. 

Tuir D. Basilio do Nascimento iha ninia dada ho equipa SECOMS ba programa ne’ebe TVTL hatun iha loron Quarta-feira (11/02.2015) katak, ”PM ladun sente avontade wainhira iha mos gabinete eis-PM Xanana Gusmão tur iha ne’eba (TVTL, 11/02/2015)”.  Psikolojikamente  presensa eis-PM iha gabinete VI governo bele fó hanesan motivu ba PM  atu lidera equipa ne’e no lao diak. Parte seluk, ho presensa eis-PM iha gabinete VI Governu, sai hanesan  ladun iha avontada ba lidera governu ne’e rasik. Hare deit iha Conselho de Ministro (CdM) Presidente Conselho de Ministro mak PM rasik maibe membru ida mos mak eis-PM, psikolojiamente PM ladun iha vontade atu lidera, buat hotu wainhira debate no la iha solusaun, to’o eis-PM desblokquia no hetan kedan solusaun. Tuir Eng Mario Viegas Carrascalao, ba media katak, ”PM sei la sente avontade wainhira eis-PM Xanana hola parte mos nudar membru governu (Media, 10/02/2015)”.  Tuir informasaun besik ba Eis-PM katak,” se buat hotu lao diak, tinan oin 2016 PM resigna mos ona husi membru Governu”.

Sucesso ba VI Governu ne’ebe sei halao knar iha tinn rua (2015-17) depende ba komponente sira ne’ebe mak envolve, hanesan analojia equipa tebe bola nian mak Treiandores ho adjuntu no Kapitaun equipa rasik!

*Militante RENETIL * Membru CCR!

Sem comentários:

Enviar um comentário

Nota: só um membro deste blogue pode publicar um comentário.