VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20170811

Selingkuh – Kamamentu – Kazamentu no Cerai: Kisah Sandiwara Cinta “Polítika” FRETILIN – CNRT

Selingkuh – Kamamentu – Kazamentu no Cerai: Kisah Sandiwara Cinta “Polítika” FRETILIN – CNRT

João Almeida, Servisu iha Fundasaun Mahein
Eleisaun 22 Jullu 2017 rezultadu hatudu partidu lima maka liu bareira 4% no la iha partidu ida maka manan maioria absoluta. FRETILIN hanesan partidu mais votadu dadaun ne’e halo kontaktu no dialogu ho partidu sira ne’ebé iha asentu parlamentu nasional. Dialogu dahuluk hahu ona ho CNRT maibe la iha rezultadu absoluta ruma mantein ba opozisaun nune’e mos hein ba dialogu segunda volta no dialogu tuir mai ho PLP nafatin ho nia pozisaun ba opozisaun iha Parlamentu Nasional. Dialogu ne’ebé hanesan ho PD la rezulta buat ruma no hein mos ba dialogu segunda volta  no tuir mai ho KHUNTO.

To’o agora seidauk serteza lolos kona-bá formasaun governu portantu haree ba dialogu sira ne’e seidauk rezulta konkluzaun final forma governasaun oinsa maka sei akontese. Husik hela tiha ida ne’e, haree ba kotuk bainhira Bloku Governu Koligasaun (BGK) 2012-2017 monu iha dalan klaran 2015 ho remodelasaun no rejignasaun Xanana Gusmão husi Primeiru Ministru. FRETILIN nia bonita hakiak ida monu ba Maun Bonito nia matan. CNRT hanesan partidu manan eleisaun 2012 hatudu Primeiru Ministru mai husi partidu opozisaun FRETILIN. Maibe FRETILIN rejeita katak FRETILIN la tama iha governu maibe fo deit nia ema hodi envolve iha governu. SANDIWARA CINTA “polítika” ida ne’e ho istoria naruk tebes no hato’o ona iha artigu dahuluk kona-bá “Kawin – Cerai no Selingkuh: Istilu Kazamentu Polítika Timor-Leste nian” ne’ebé públika ona iha tinan klaran 2016. To’o iha ne’e espekulasaun ne’ebé la’o iha públiku katak Maun Bonito hahu SELINGKUH ona ho FRETILIN no hahu kedas ho KAMAMENTU. Posibilidade familia boot rua sei tuur hamutuk ho festa boot iha KAZAMENTU 2017. Espekulasaun ida ne’e mos halo bonita sira seluk SAKIT maibe iha nonok nia laran no iha tempu hanesan bonita foun ida mosu husi jardim Aitarak-Laran ho lian kro’at los hatete ba nia maun na’in rua kona-bá KAMAMENTU no SELINGKUH ne’ebé durante ne’e akontese estraga buat barak. KEMESRAAN ida ne’e lori to’o iha Eleisaun Prezidensial 2017 ho apoiu Xanana Gusmão no CNRT nian lori Prezidente FRETILIN Francisco Guterres Lú-Olo ba Prezidente Repúblika ba periodu 2017-2022 ho primeira volta deit. 

La kleur deit hakat ba Eleisaun Parlamentar 2017 FRETILIN iha nia kampañia ko’alia katak FRETILIN MANAN XANANA MANAN no Sekretariu Jeral FRETILIN Dr. Mari Alkatiri hatete mos FRETILIN Manan Konta mos ho Kompadre Xanana. Maibe Maun Bonito ho CNRT lian seluk iha nia kampañia katak karik CNRT la manan maioria absoluta CNRT sei ba opozisaun. Nune’e hafoin rezultadu eleisaun valida husi Tribunal Rekursu kontaktu no dialogu entre partidu polítiku sira mos la’o namanas. FRETILIN hanesan partidu ne’ebé manan eleisaun (maioria simples) koko formaliza KAMAMENTU ne’e ka ho lian seluk KAZAMENTU entre FRETILIN ho CNRT. Maibe Maun Bonito sees-an ho nonok nia laran to’o agora. Hotu-hotu ne’ebé FRETILIN hasoru la iha ida maka simu pedidu KAZAMENTU FRETILIN nian. 

Ne’e hanesan iha muzika Broery Marantika hananu nune’e “kemesraan antara kita berdua sesungguhnya keterpaksaan saja dan sebagai pelengkap sandiwara”. Karik ne’e tamba konsekuensia husi SELINGKUH no KAMAMENTU dan sebagai pelengkap sandiwara? FRETILIN buka ko’alia ho hotu-hotu “cari jalan terbaik”. Maske “berawal dari manisnya kasih sayang” maibe Maun Bonito diside ona katak CERAI (sai opozisaun). Iha lidun seluk muzika Broery Marantika hananu mos “semuanya terserah padamu aku begini adanya ku hormati keputusanmu apapun yang akan kau lakukan (kau katakan). 

Ho nonok ne’e mos posibilidade seluk PISAH RANJANG deit, ho lian seluk FRETILIN la’o mesak maibe Maun Bonito nafatin tau matan ba familia ka “Akordu Insidensia Parlamentar”. Maibe ida ne’e mos seidauk serteza lolos tamba Maun Bonito nia nonok no sees-an husi sira hotu. Iha istoria ida ne’e muzika Ebiet G Ade hananu mos “Berita Kepada Kawan - perjalanan ini terasa sangat menyedihkan, sayang enkau tak duduk disampingku kawan. Perjalanan ini pun seperti jadi saksi, ...tetapi semuanya diam, tetapi semuanya bisu, tinggal aku sendiri, .... mungkin Tuhan bosan melihat tingkah kita yang selalu salah dan bangga dengan dosa-dosa atau alam mulai enggan bersahabat dengan kita, coba kita bertanya pada rumput yang bergoyan”. 

Ho istoria badak no muzika sira iha leten ne’e, los duni katak kultura demokrasia maka la’o nune’e duni! Ho esforsu lider nasional sira nian sei to’o iha konkluzaun ida kona-bá formasaun VII Governu Konstitusional. Nune’e posibilidade bele formaliza KAMAMENTU husi SELINGKUH no KAZAMENTU iha tempu ida ne’e. Posibilidade seluk KAZAMENTU FOUN no AMP bele repete iha tempu ida ne’e mos (AMP II). Ikus liu PISAH RANJANG deit Maun Bonito nafatin tau matan iha familia ho  “Akordu Insidensia Parlamentar”.

Hakerek Na’in: João Almeida, Servisu iha Fundasaun Mahein. 

Sem comentários:

Enviar um comentário

Nota: só um membro deste blogue pode publicar um comentário.